‘మెగా’ కుటుంబంలో ఆనందం.. మరోసారి తాత అయిన చిరంజీవి!

మెగాస్టార్ చిరంజీవి మరోమారు తాతయ్య అయ్యారు. చిరంజీవి కుమార్తె శ్రీజ- కల్యాణ్ దేవ్ దంపతులకు పండంటి ఆడశిశువు జన్మించింది. ఈ విషయాన్ని కల్యాణ్ దేవ్ ఓ పోస్ట్ ద్వారా తెలిపాడు. 2018 క్రిస్మస్ తన జీవితాంతం గుర్తుండి పోతుందని, ఈరోజు ఉదయం తమకు అమ్మాయి జన్మించిందని, మీ అందరికీ సూపర్ మెర్రీ క్రిస్మస్ శుభాకాంక్షలు తెలియజేస్తున్నానని కల్యాణ్ దేవ్ ఆనందం వ్యక్తం చేశారు. ఈ పోస్ట్ తో పాటు పాప పాద ముద్ర ఉన్న ఫొటోను కూడా పోస్ట్ చేశారు. కాగా, ‘మెగా’ కుటుంబంలోకి కొత్త వ్యక్తి వచ్చిన విషయాన్ని తెలుసుకున్న అభిమానులు విషెస్ తెలుపుతున్నారు.